“Almaniya prezidenti Frank-Valter Ştaynmayerin Azərbaycana səfəri təkcə ikitrəfli münasibətlər baxımından deyil, eyni zamanda Avropa İttifaqı (Aİ) ilə əməkdaşlıq baxımdan mühüm əhəmiyyət kəsb edir. Çünki Almaniya bu gün Aİ-nin lokomotiv ölkəsi hesab olunur. Bu baxımdan həm ikitərfəli, həm də regional baxımdan əməkdaşlıq üçün geniş imkanları var. Digər məqam isə ondan ibarətdir ki, Azərbaycan uzun illərdir, xüsusən də Rusiya-Ukrayna müharibəsinin başlamasından sonra Avropanın enerji təhlükəsizliyinin təmin olunmasında müstəsna rol oynayan ölkələrdən biridir. Azərbaycanın bu istiqamətdə getdikcə rolu daha da artmaqdadır”.
Bunu Ölkə.Az-a açıqlamasında deputat İlham Məmmədov deyib.
Deputat əlavə edib ki, Azərbaycan təkcə neft-qaz sahəsində deyil, alternativ enerji, xüsusən də “yaşıl enerji” məsələsində də Avropanın əsas tərəfdaş ölkələrindən biri hesab etmək olar: “Artıq Azərbaycanla bir sıra Avropa ölkələri arasında “yaşıl enerji” sahəsində əməkdaşlıq istiqamətində ciddi layihələrin icrası istiqamətində işlər uğurla davam etməkdədir. “Yaşıl enerji” sahəsində Azərbaycan Avropa ilə Mərkəzi Asiya arasında da bir körpü rolunu oynamağı planlaşdırır və bu istiqamətdə də ilkin addımlaırnı atıb. Azərbaycanın hədəfi Orta Dəhlizi “yaşıl dəhliz”ə çevirməkdir. Bunun üçün çox böyük imkanlar mövcuddur. Orta Dəhlizin imkanlaırnın genişləndirilməsində, alternativ enerji sahəsində əməkdaşlıq baxımdan Almaniyanın xüsusi rol oynaya bilər. Çünki Almaniyanın bu sahədə böyük təcrübəyə malik çoxsaylı şirkətləri var.
Bunu Azərbaycan Prezidenti İlham Əliyev də almaniyalı həmkarı ilə görüşdə alman şirkətləri ilə əməkdşalıqda maraqlı olduğunu açıq dilə gətirib. “Bərpaolunan enerji sahəsində, harada ki, Almaniya şirkətlərinin çox böyük təcrübəsi var, Azərbaycanın da çox böyük proqramı, planları var. Biz xarici investorların sərmayəsi hesabına 2030-cu ilə qədər bərpaolunan enerji növlərinin istehsal gücünü 6 giqavata çatdırmaq fikrindəyik və bu, tam realdır. Bunun bir hissəsi Avropaya ixrac ediləcək”, - Prezident İlham Əliyev qeyd edib. Bu onu deməyə əsas verir ki, Azərbaycan “yaşıl enerji” sahəsində də sıx əməkdaşlıq etməklə Avropanın enerji təhlükəsizliyinin daha etibarlı şəkildə təmin olunmasına öz töhfəsini vermək istəyir. Bunu bir çox Avropa ölkələri çox yaxşı bildiyi üçün Azərbaycanla sıx əməkdaşlıq edirlər. Hesab edirəm ki, Almaniya prezidentinin səfəri bu sahədə regional əməkdaşlığa öz töhfəsini verəcək. Bunun üçün Cənubi Qafqazda dayanıqlı sülhün əldə olunmasına xüsusi ehtiyac var. Almaniya öz imkanlarından istifadə edərək bölgədə dayanıqlı sülhün əldə olunması üçün həm Avropadakı sülhə əngəl yaradan Fransa kimi ölkələrə, həm də Ermənistana təsir edə bilər. Cənab Prezident İlham Əliyev dayanıqlı sülhlə bağlı şərtlərini isə görüdə bəyan edib. Bildirib ki, İrəvan ATƏT MQ-dən imtina etməli və bir də Azərbaycana ərazi iddiasını nəzərdə tutulan konstitusiyasına dəyişiklik etməldidir. Bundan sonra sülh sazişinin imzalnması üçün bütün maneələr aradan qalxmış olacaq. Əgər Almaniya Cənubi Qafqazda dayanıqlı sülhdə və bölgədəki ölkələrlə sıx əməkdaşlıqda maraqlıdırsa, o zaman Aİ-nin flaqman ölkəsi kimi bu istiqamətdə öz töhfəsini verməlidir”.
