Bakıda kirayənişin qaldığı evin sahibini çoxsaylı bıçaq xəsarətləri yetirməklə amansızlıqla qətlə yetirən Zahid İsayevin cinayət işinin məhkəmə istintaqı yekunlaşıb.

Gündəmtv.az Oxu.Az-a istinadən xəbər verir ki, Bakı Ağır Cinayətlər Məhkəməsinin hakimi Aynur Qurbanovanin sədrliyi ilə keçirilən yekun iclasda dövlət ittihamçısı ittiham nitqi ilə çıxış edərək təqsirləndirilən şəxsin 20 il azadlıqdan məhrum edilməsini məhkəməyə təklif edib.

Müşavirədən sonra hökm elan edilərək Zahid İsayev 17 il azadliqdan məhrum edilib.

Qeyd edək ki, hadisə 2024-cü ilin il iyulun 20-də gecə saatlarında paytaxtın Nizami rayonunda qeydə alınıb.

1965-ci il təvəllüdlü əvvəllər məhkum olunmuş Zahid İsayev aralarında yaranmış mübahisə zamanı 1949-cu il təvəllüdlü Tahir Əliyevin başını kəsərək qətlə yetirib.

Zahid İsayev saxlanılaraq istintaqa təhvil verilib, barəsində həbs-qətimkan tədbiri seçilib.

O, məhkəmədə sərbəst ifadəsi zamanı hadisənin kirayədə qaldığı evin sahibi Tahir Əliyevlə aralarındakı mübahisə zamanı baş verdiyini deyib. Onun sözlərinə görə, mərhum Tahir Əliyev onun ünvanına nalayiq ifadələr işlətməklə yanaşı kirayədə qaldığı otaqda divardan asdığı dövlət bayrağını da təhqir edib. Bundan sonra Zahid İsayev hiddətlənərək ona çoxsaylı bıçaq zərbələri endirib. Təqsirləndirilən onu da bildirib ki, o ki,affekt vəziyyətində olduğu üçün Tahir Əliyevə endirdiyi bıçaq zərbələrinin sayın bilməyib.

Zərbələrdən biri mərhumun boğazından dəyib.

Zahid İsayev Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı öldürmə, habelə adam oğurluğu və ya girov götürülməsi ilə bağlı adam öldürmə) maddəsi ilə təqsirli bilinib.