Ağdam rayonunun Sarıcalı kəndinə növbəti köç karvanı yola salınıb.

Gündəmtv.Az Report.az-a istinadla xəbər verir ki, Sarıcalı kəndinə daha 28 ailə (110 nəfər), o cümlədən: Bərdə rayonundan 11 ailə (39 nəfər); Bakı şəhərindən 9 ailə (41 nəfər); Mingəçevir şəhərindən 3 ailə (13 nəfər); Ağcabədi rayonundan 1 ailə (4 nəfər); Ağdam rayonundan 1 ailə (4 nəfər); Ucar rayonundan 1 ailə (4 nəfər); Gədəbəy rayonundan 1 ailə (3 nəfər); Yevlax şəhərindən 1 ailə (2 nəfər) yola salınıb.

Köçürülən 110 nəfərdən ibarət 28 ailəyə mənzillərin açarları təqdim edilib.

Mərasimdə Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəliyinin, Qaçqınların və Məcburi Köçkünlərin İşləri üzrə Dövlət Komitəsinin rəsmiləri iştirak ediblər. Sarıcalı kəndində daimi yaşayış üçün köçürülən ailələrə yeni tikilmiş fərdi yaşayış evlərində mənzillər verilib.

Beləliklə, bugünkü köç də nəzərə alınmaqla Sarıcalı kəndinə köçürülən ailələrin ümumi sayı 37-yə (146 nəfər) çatıb.

Qeyd edək ki, hazırda Qarabağda və Şərqi Zəngəzurda, ora köçürülən keçmiş məcburi köçkünlərlə yanaşı, bu bölgədə aparılan layihələrin icrasında çalışan, həmçinin ayrı-ayrı dövlət qurumlarının yerli bölmələrində xidməti vəzifələrini yerinə yetirən, yenidən fəaliyyətə başlamış səhiyyə, təhsil, mədəniyyət, turizm, sənaye, energetika müəssisələrində işləyən ümumilikdə 40 minə yaxın insan yaşayır.