Bakıda Türk Dövlətləri Təşkilatı (TDT) Məhkəmə Şuraları Şəbəkəsinin Əsasnaməsi imzalanıb.
"Gündəmtv.az" xəbər verir ki, sənədə əsasən, dövlətlər arasında hüquqi həmrəyliyin gücləndirilməsi, məhkəmə-hüquq sistemlərinin yaxınlaşdırılması və ortaq gələcəyin möhkəmləndirilməsi nəzərdə tutulub.
Əsasnaməni Ali Məhkəmə və Məhkəmə-Hüquq Şurasının sədri İnam Kərimov, TDT-nin Baş katibi Kubanıçbek Ömüralıyev, Qırğızıstan Hakimlər Şurasının sədri Aida Seidakmatova, Türkiyə Hakimlər və Prokurorlar Şurasının sədri Fuzuli Aydoğdu, Özbəkistan Ali Məhkəmə Şurasının sədri Kholmumin Yodgorov, Qazaxıstan Ali Məhkəmə Şurasının üzvü Yernar Begaliyev və Şimali Kipr Türk Cümhuriyyəti Ali Məhkəməsinin sədri Bertan Özerdağ imzalayıblar.
10:26
Bu gün Türk Dövlətləri Təşkilatına (TDT) üzv ölkələrin Məhkəmə Şuraları Şəbəkəsinin yaradılması haqqında Əsasnamə imzalanacaq.
"Gündəmtv.az" xəbər verir ki, bunu Ali Məhkəmənin sədri İnam Kərimov iyunun 19-da Bakıda keçirilən TDT ölkələri Məhkəmə Şuraları Sədrlərinin üçüncü iclasında çıxışı zamanı deyib.
Onun sözlərinə görə, bu təşəbbüs ilk dəfə 2024-cü ilin may ayında İstanbulda keçirilən görüşdə irəli sürülüb və yüksək qiymətləndirilib:
"Bu gün həmin təşəbbüs konkret hüquqi əməkdaşlığımızın institutlaşması istiqamətində önəmli bir addımdır. Hesab edirəm ki, Əsasnamənin imzalanması ilə tərəfdaş dövlətlər arasında məhkəmə-hüquq sahəsində çoxtərəfli və davamlı əməkdaşlığın hüquqi əsası yaradılacaq. Bu çərçivədə birgə layihələrin icrası, elmi-tədris proqramlarının təşkili, hakimlərin etik və peşəkar hazırlığı, ortaq hüquqi tədqiqatların aparılması və davamlı təcrübə mübadiləsi üçün etibarlı bir platforma formalaşdırılacaq".
