Azərbaycan Prezidenti İlham Əliyevin İran İslam Respublikasının Prezidenti Məsud Pezeşkian ilə məhdud tərkibdə görüşü başlayıb.

***

Azərbaycana səfərə gələn İran Prezidenti Məsud Pezeşkianın rəsmi qarşılanma mərasimi keçirilib.

Azərbaycan Prezidenti İlham Əliyev İran Prezidenti Məsud Pezeşkianı qarşılayıb.

Hər iki ölkənin dövlət bayraqlarının dalğalandığı meydanda ali qonağın şərəfinə fəxri qarovul dəstəsi düzülüb.

Fəxri qarovul dəstəsinin rəisi Prezident İlham Əliyevə raport verib. Prezident İlham Əliyev və Prezident Məsud Pezeşkian fəxri qarovul dəstəsinin qarşısından keçiblər.

İran və Azərbaycan Respublikasının dövlət himnləri səslənib.



***

İran İslam Respublikasının Prezidenti Məsud Pezeşkian aprelin 28-də Azərbaycan Respublikasına rəsmi səfərə gəlib.

Gündəmtv.az xəbər verir ki, hər iki ölkənin Dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülmüşdü.

İran İslam Respublikasının Prezidentini hava limanında Azərbaycan Respublikasının Baş nazirinin birinci müavini Yaqub Eyyubov və digər rəsmi şəxslər qarşıladılar.

***

İran Prezidenti Məsud Pezeşkian Azərbaycana səfərə yola düşüb.

Gündəmtv.az APA-ya istinadən xəbər verir ki, bu barədə IRNA məlumat yayıb.

Qeyd edilib ki, Məsud Pezeşkianın Azərbaycana səfəri iki ölkə arasında münasibətlərdə yeni səhifə açır.