Rusiya mediasında və təbliğat kanallarında son günlər yeni bir mövzu ön plana çıxarılıb.

gundemtv.az Musavat.com-a istinadən xəbər verir ki, bu dəfə Estoniya “Rusiyaya hücum planları qurmaqda” ittiham olunur. Federal telekanallarda və Z-MSM resurslarında yayılan materiallarda Tallinnin guya Moskva üçün ciddi təhlükə yaratdığı iddia edilir.

Müşahidəçilərin fikrincə, bu ritorika təsadüfi deyil. Məqsəd Rusiyanın gələcəkdə atacağı mümkün addımları ictimai rəyə izah etmək və “hücum əməliyyatını” legitimləşdirməkdir.

Ekspertlər bu yanaşmanı Ukrayna müharibəsindən əvvəl istifadə edilən ssenari ilə müqayisə edirlər. Həmin vaxt da əvvəlcə “düşmən obrazı” formalaşdırılmış, daha sonra isə bu ölkə təcavüzkar kimi təqdim edilərək hərbi əməliyyatlara start verilmişdi.

Hazırda isə oxşar ritorikanın Estoniya ətrafında qurulduğu, bununla da “Putinin Tallini qısa müddətdə - cəmi 3 günə ələ keçirmək” əmrinə bəraət qazandırmaq üçün zəmin hazırlandığı vurğulanır.

Oxunub: 30