Nəşrin məlumatına görə, hərbçilər tərəfindən istifadə edilən eksperimental lazer sisteminin “kommersiya aviasiyası üçün ciddi risk yarada biləcəyi” ortaya çıxdı.

Gündəm24.az xəbər verir ki, The Wall Street Journal qəzetinin məlumatına görə, ABŞ Gömrük və Sərhəd Mühafizəsi Agentliyi (CBP) bir neçə şənlik şarını narkotik kartelinin dronları ilə səhv salaraq yüksək məxfilikli lazer silahları ilə vurub. Hadisə Texasın El Paso və cənubi Nyu-Meksiko ərazisinin böyük hissəsində hava məkanının bağlanmasına səbəb olub.

Nəşr yazır ki, eksperimental lazer sistemi kommersiya aviasiyası üçün ciddi risk yarada bilər və El Paso bir neçə saat xaosa düşüb. Vaşinqton, xüsusən Pentaqonda məmurlar vəziyyətin səbəbini və günahkarı müəyyən etməyə çalışıblar.

Ekspertlər və qanunvericilər bildiriblər ki, münaqişə Pentaqon, Federal Aviasiya Administrasiyası (FAA) və Daxili Təhlükəsizlik Departamenti (DHS) arasında dron təhlükələrinin idarə olunmasında və lazer silahlarından istifadədəki anlaşılmazlıqdan qaynaqlanıb.

Ötən ay Pentaqon rəhbəri Pit Heqset AeroVironment Locust lazer sisteminin Fort Bliss ordu bazasında CBP-yə təhvil verilməsini təsdiqləyib. CBP FAA-nın xəbərdarlıqlarına baxmayaraq lazer silahlarını istifadə edib və dron zənn edilən şarları vurub. Daha sonra FAA Ağ Ev, Pentaqon və DHS-ə El Paso üzərində hava məkanının növbəti 10 gün ərzində bağlanacağını əvvəlcədən xəbər vermədən bildirib.

Sədaqət Həsənova

Gündəm24.az

Oxunub: 0