SEPAH-in (İran İnqilab Keşikçiləri Korpusunun) siyasi bölməsinin məlumatına görə, İsrail 12 günlük müharibə zamanı İraq hava məkanından istifadə edərək İrana hərbi hücumlar həyata keçirib. Məlumata əsasən, İsrailin döyüş təyyarələri ya İraq üzərindən İrana daxil olub, ya da raket zərbələri ilə İslam Respublikasında müxtəlif hədəfləri vurub.

Gündəm24.az xəbər verir ki, SEPAH bildirib ki, müharibənin bitməsindən sonra da İsrail bu hərbi fəaliyyətləri dayandırmayıb və İraq hava məkanından istifadə edərək İrana nüfuz etməyə davam edib. Bu vəziyyət İran tərəfdən ciddi narahatlıq doğurub və ölkənin hərbi rəhbərliyi tərəfindən diqqətlə izlənilir.

Həmçinin, SEPAH İraq hökumətinə ABŞ-ın regiondakı hərbi iştirakını və İsrailin hücumlarını nəzərə alaraq təzyiq göstərmənin vacibliyi, eləcə də hava hücumundan müdafiə (HHM) sistemlərinin yerləşdirilməsinin zəruriliyi barədə xəbərdarlıq edib.

Məlumatda vurğulanır ki, İsrailin bu hərəkətləri regiondakı təhlükəsizlik vəziyyətini daha da gərginləşdirir və İranın hava məkanının qorunması üçün əlavə tədbirlərin görülməsini qaçılmaz edir.

SEPAH İraq üzərindən həyata keçirilən hücumları strateji təhlükə hesab edir və məsələni beynəlxalq ictimaiyyətin diqqətinə çatdırmaq istəyir.

Əli Səfərli,
Gündəm24.az

Oxunub: 94