Rusiyanın Ədliyyə Nazirliyi tanınmış politoloq Sergey Markovu “xarici agentlər” reyestrinə daxil edib.

gundemtv.az xəbər verir ki, Markovun bu siyahıya salınması onun son aylarda gündəmə gələn fəaliyyətləri ilə əlaqələndirilir. Xatırladaq ki, o, Xankəndinə səfər etdikdən sonra Rusiyada bir sıra tanınmış təbliğatçılar və Z-kanallar tərəfindən kəskin tənqid olunmuşdu.

Həmin səfərin ardından rezonans doğuran digər hadisə isə TASS-ın baş direktorunun müavini Mixail Qusmanın vəzifəsindən azad edilməsi olmuşdu. Onun da Xankəndi səfərində iştirak etməsi böyük narazılıq yaratmışdı.

Mütəxəssislər hesab edirlər ki, Markovun “xarici agent” elan olunması, Kremlin daxili siyasi dairələrindəki ziddiyyətlərin və bölgə siyasətinə dair həssas münasibətin göstəricisidir.

Səmra İsmayıl, gundemtv.az

Oxunub: 54