2026-cı ildən etibarən icbari tibbi sığorta çərçivəsində vətəndaşlar həkim resepti əsasında müəyyən dərmanları pulsuz əldə edə biləcəklər. Maraqlıdır, əgər xəstənin reseptində göstərilən dərman aptekdə mövcud olmazsa, hansı mexanizm işə düşəcək?

Mövzunu Gündəm24.az-a şərh edən tibb məsələləri üzrə ekspert Rasif Bağırov bildirib ki, icbari tibbi sığorta bütün dərmanları deyil, yalnız müəyyən siyahıya daxil olan dərmanları əhatə edəcək:


“Əgər xəstənin reseptdə göstərilən dərmanı aptekdə və ya depoda mövcud deyilsə, vətəndaş ya digər apteklərdə axtarmalı, ya da əvəzedici dərmanı öz vəsaiti hesabına almalıdır. Əsas məqam odur ki, ürək-damar sisteminə aid bəzi preparatlar siyahıya salınıb və onlar xəstələrə pulsuz veriləcək”.

Ekspertin sözlərinə görə, pulsuz veriləcək dərmanların böyük əksəriyyəti nisbətən ucuz preparatlar olacaq:

“Daha çox 3-4 manatlıq təzyiq və ürək dərmanları həmin siyahıya daxil ediləcək. Bu, insanlara müəyyən qədər dəstək olacaq. Ancaq bahalı dərmanların hələlik siyahıya daxil olunması nəzərdə tutulmur”.

Oxunub: 142