"Dayanıqlı Qüvvət 1404" adlı iki günlük raket təlimində İran hərbi gəmiləri Oman dənizi və Hind okeanındakı hədəflərə raket zərbələri endiriblər.

Gündəm24.az xəbər verir ki, bu barədə İran Dövlət Televiziyası məlumat yayıb.

Televiziyanın reportajında deyilir ki, "IRIS Sabalan" freqatı və "IRIS Gənaveh" adlı daha kiçik gəmi dənizdəki hədəflərə "Nəsir" və "Qədir" qanadlı raketləri atıb.

Təlim çərçivəsində sahil bölmələri də atəş açıb.

Xatırladaq ki, qərargahı Bəndər Abbasda yerləşən İran Hərbi Dəniz Qüvvələri Oman dənizi, Hind okeanı və Xəzər dənizində patrul xidmətinə cavabdehdir.

Fars körfəzi və Hörmüz boğazı əsasən SEPAH-ın Hərbi Dəniz Qüvvələrinin nəzarətindədir.


Mövlam RZALI,
Gündəm24.az

Oxunub: 58