ABŞ Prezidenti Donald Tramp Vaşinqtonda Ukrayna Prezidenti Volodimir Zelenski və bir sıra Avropa ölkələrinin nümayəndələri ilə görüşlərini yekunlaşdırdıqdan sonra Macarıstanın Baş naziri Viktor Orbánla telefon vasitəsilə əlaqə saxlayıb.

Gündəm24.az xəbər verir ki, Telefon danışığı zamanı Tramp Macarıstanın Ukraynanın Avropa İttifaqına üzvlük məsələsinin müzakirəsini niyə blokladığını soruşub və bu barədə açıqlama tələb edib. Mənbələr bildirir ki, Avropa liderləri ABŞ Prezidentindən Orbána təsir göstərməsini xahiş ediblər ki, o, Ukraynanın Aİ-yə üzvlük perspektivinə qarşı olan etirazlarını geri çəksin.

Həmçinin məlumatlara görə, Trampın bu təşəbbüsü Avropa ölkələri arasında Ukraynanın üzvlüyü məsələsində birgə siyasətin formalaşdırılmasına töhfə vermək məqsədi daşıyır. Analitiklər hesab edirlər ki, bu telefon danışığı həm də ABŞ-ın Avropa siyasətində rolunun aktivləşdirilməsi istiqamətində bir siqnal kimi qiymətləndirilə bilər.

Səmra İSMAYIL,
Gündəm24.az

Oxunub: 19