Hindistan və Çin 2020-ci ildəki sərhəd toqquşmalarından sonra beş illik fasiləyə son qoyaraq birbaşa uçuşların və sərhədyanı ticarətin bərpası barədə razılığa gəliblər.

Gündəm24.az Globalinfo.az-a istinadən xəbər verir ki, bu barədə razılaşma Çin xarici işlər naziri Vanq Yinin Yeni Dehliyə səfəri çərçivəsində Hindistanın milli təhlükəsizlik üzrə müşaviri Ajit Doval ilə görüşündə əldə olunub və tərəflər sərhəd mübahisəsinə dair danışıqların 24-cü raundunu keçiriblər.

Görüşdə Himalay sərhədində yerləşdirilən qoşunların çıxarılması, sərhədlərin demarkasiyası, sərhədyanı ticarətin canlandırılması, viza prosedurlarının sadələşdirilməsi və investisiya əməkdaşlığının artırılması müzakirə olunub.

Eyni zamanda beş ildən sonra birbaşa uçuşların bərpası barədə razılıq əldə edilsə də, hələlik dəqiq tarix açıqlanmayıb. Tərəflər sərhəd mübahisəsini müzakirə etmək üçün gələn il Çində yenidən görüşmək barədə də razılaşıblar.

Çin Xarici İşlər Nazirliyi bildirib ki, Vanq Yi danışıqlarda Çin-Hindistan əlaqələrinin sabit və sağlam inkişafının hər iki ölkə xalqının əsas mənafeyinə uyğun olduğunu vurğulayıb.

Oxunub: 36