“Financial Times” qəzeti yüksək vəzifəli ukraynalı rəsmiyə istinadən yazır ki, Prezident Vladimir Zelenski hazırkı cəbhə xətti üzrə razılaşmaya getməyə hazırdır. Məqsəd – Ukrayna ordusunu Donetsk və Luqanskdan geri çəkməməkdir.

Gündəm24.az xəbər verir ki, Zelenskinin bu gün ABŞ prezidenti Donald Trampla görüşündə əsas mövzu “Ukraynanın qeyri-mümkün addımlar – məsələn, Donbasdan qoşunların çıxarılması – atmağa məcbur edilmədiyi, səmərəli sülh prosesinin müzakirəsi” olacaq.

Məlumata görə, Zelenski bu məqsədlə “ukraynalıların qəbul edə biləcəyi, həzm olunacaq kompromis” axtarır. Ukraynalı rəsmilərin fikrincə, mövcud cəbhə xətti əsasında əldə olunacaq razılaşma həm ölkə daxilində, həm də beynəlxalq müstəvidə daha real qəbul edilə bilər.

Siyasi analitiklər hesab edirlər ki, Zelenskinin bu mövqeyi həm ölkə daxilində ictimai dəstəyin saxlanılmasına, həm də Qərb tərəfdaşları ilə danışıqlarda çevik mövqe nümayiş etdirməsinə xidmət edir. Bununla belə, kompromisin hansı formada reallaşacağı və tərəflər tərəfindən necə qarşılanacağı hələ də sual altındadır.

Səmra İsmayıl,
Gündəm24

Oxunub: 30