Bəzi aromalar iştahı stimullaşdırır, digərləri isə əksinə azaldır.
Gündəmtv.az Lent.az-a istinadən xəbər verir ki, aromaterapist Alan Hirş bu nəticəyə gəlib və bunun nəticəsində aromatik pəhriz yaranıb.

Pəhrizin mahiyyəti nədir?

Arıqlamaq üçün aromaterapist yeməkdən əvvəl efir yağlarını inhalyasiya etməyi tövsiyə edir: nanə, lavanda və ya qızılgül. Alma və bananları iyləməyə də icazə verilir. Aclıq hiss etməyə başlayanda burnunuzla hava udmalısınız.

Nümunə pəhriz menyusu:

Aromatik pəhrizdə hər şeyi yeyə bilərsiniz, ancaq ac olduğunuz halda və tövsiyə olunan ətri hiss etdikdən sonra. Səhər yeməyində nanə ətirini içinə çəkməli, iştahınız varsa, pendirli tost yemək lazımdır. İkinci səhər yeməyi giləmeyvə ilə qatıqdan ibarətdir, ətirlə nəfəs aldıqdan sonra yeyilə bilər.

Eyni şəkildə, aromanı içinə çəkdikdən sonra ət və tərəvəzdən ibarət nahara başlaya bilərsiniz. Günortadan sonra qəlyanaltı üçün ətirli yağı yenidən istifadə edin və meyvədən həzz alın.

Şam yeməyi: bir daha nanə, qızılgül, lavanda, alma və ya bananın ətirlərini içinə çəkin və tərəvəz ilə balıq yeyin.