Sosial şəbəkələrdə yayılmış trend ölümcül nəticələrə səbəb olur.

Gündəmtv.Az xəbər verir ki, Cənubi Koreyada başlayan trend “mukbang” adlanır.

Bütün dünyada populyarlıq qazanan trendin mahiyyəti isə belə demək mümkünsə, partlayana qədər yemək yeməkdir.

“Mukbang” sözü “yemək” və “yayım” sözlərindən götürülüb.

Əslində, bu axın Cənubi Koreyada 2010-cu illərdə canlı yayım paltformalarında populyarlıq qazanıb və daha sonra digər platformalara yayılıb.

Trendin mahiyyəti isə təklif hissi ilə mübarizə aparmaqdır. Bir çox insan tənhalıq hissi ilə mübarizə aparır. "Mukbang" (mokban) videoları izləyicilərə kimsə ilə yemək yemək hissi verir və beləliklə, tənhalıq hissini azaldır. Çünki yemək yemək bir çox insan çün stresi azaltmağın bir yoludur. Digər tərəfdən "mukbang" videolarında yemək səsləri bəzi insanlarda rahatlıq hissi verən ASMR effekti (beyin masajı, beyin istirahəti) yaradır.

Son günlərdə yenə də gündəmdə olan axının qurbanı isə türkiyəli sosial şəbəkə fenomeni Efecan Kültür olub.

150 min izləyicisi olan yeniyetmə daha çox izləyici toplamaq üçün normadan dəfələrlə çox yemək yedikdən sonra xəstəxanalıq olub. Həmin videodan sonra onun izləyicilərinin sayı 158 minə çatsa da, ölümlə üz-üzə gəlib.

Bundan əvvəl isə iyulda Çində Pan Xiaoting adı gənc qız 10 kq yemək yedikdən sonra mədəsi deformasiyaya məruz qalaraq ölmüşdü.

Mütəxəssislər xüsusilə valideynlərə xəbərdarlıq edərək uşaqlarını bu trenddən qorumağı tövsiyə edir.