“Azerrail” klubunun qadınlardan ibarət komandası Fransanın Monpelye şəhərində keçirilən çimərlik voleybolu üzrə klublararası Avropa Kubokunda çempion olub.

“Gündəmtv.az” xəbər verir ki, komanda həlledici matçda Ukraynanın “Sunrise Beach Spors Academy” klubu ilə üz-üzə gəlib.

İki oyundan birində “Azerrail” (2:1) digərində isə rəqib (0:2) qalib gəlib. Qızıl setdə gərgin mübarizədən sonra 15:12 hesabı ilə üstün olan təmsilçimiz yarışın qalibi adını qazanıb.

Qeyd edək ki, millimiz yarımfinalda Macarıstanın “Edra Tata” komandasına qalib gələrək final mərhələsinə vəsiqə qazanmışdı.