Rusiya müğənnisi Alla Puqaçeva geniş müsahibəsində 2022-ci ildə Rusiyanı tərk etməsindən, Vladimir Putin və Dmitri Medvedevlə bağlı xatirələrindən və Ukraynadakı müharibə barədə düşüncələrindən danışıb.

gundemtv.az xəbər verir ki, Puqaçeva bildirib ki, əvvəllər Putini dəstəkləyib və onun çıxışlarından təsirlənərək səs verib: «O, inanılmaz dərəcədə düzgün sözlər deyirdi. Hətta Ukrayna barədə də. Mənim düşündüklərimi o deyirdi. O, sadəcə bir idol idi. Təbii ki, indi mənim üçün şokdur».

Medvedev barədə isə müğənni qeyd edib ki, əvvəllər onunla dost olub, lakin indi onu tam fərqli bir insan kimi görür: «Bu gün başqa insandır, mən belə birini tanımıram. Eyni zamanda Vladimir Vladimiroviçdən də belə bir şey gözləmirdim».

Müharibə mövzusunda Pugaçeva vurğulayıb ki, «həmişə vətəni qorumağa hazırdır, amma baş verənlər qəbuledilməzdir»: «İnsanlar ölür — həm bizim, həm də digər ölkənin vətəndaşları, bu dözülməzdir». O hesab edir ki, SSRİ və Rusiya hakimiyyətində təkəbbür var və bu, onun fikrincə, günahdır.

Əli Səfərli, gundemtv.az

Oxunub: 91