The New York Times Fransada Baş nazir Fransua Bayrunun yaxın günlərdə istefaya göndərilə biləcəyini yazıb. Nəşr bu vəziyyəti “1958-ci ildə Beşinci Respublikanın yaranmasından bəri görünməmiş institusional böhran” adlandırır.

Gündəm24.az xəbər verir ki, təxminən doqquz ay vəzifədə qalan Bayru özü bazar ertəsi üçün etimad səsverməsi təyin edib ki, NYT bunu “siyasi intihar addımı” kimi dəyərləndirib.

“Milli Birlik”in lideri Marin Le Penin rəhbərlik etdiyi ifrat sağçılar, eləcə də sol və radikal sol qüvvələr artıq Bayruya qarşı çıxacaqlarını bəyan ediblər. Bu isə onun istefası üçün kifayət edir.

Səsvermənin əsas mövzusu Bayrunun sərt qənaət büdcəsi layihəsidir. Çərşənbə günü bu təşəbbüsə qarşı kütləvi etiraz aksiyaları gözlənilir.

Bunun fonunda prezident Emmanuel Makrona olan etimad səviyyəsi avqust ayında 6% azalaraq 15%-ə enib. Analitiklər Bayrunun istefasının Makronu yenidən parlament seçkiləri keçirməyə məcbur edə biləcəyini, sorğulara görə isə həmin seçkilərdə “Milli Birlik”in inamlı qələbə qazanacağını bildirirlər.

Əli Səfərli,
gundemtv.az

Oxunub: 23