İran Prezidenti İbrahim Rəisinin olduğu helikopterin qəzaya uğrmasında görə ittiham edilən İsrail yazılanlara reaksiya verib.

Gündəmtv.Az xarici KİV-ə istinadla xəbər verir ki, bu barədə adı açıqlanmayan bir İsrail rəsmisi danışıb.

Adı anonim saxlanılan rəsmi İ.Rəisi və onu müşayiət edən nümayəndə heyətinin helikopter qəzası nəticəsində həlak olmasında İsrailin heç bir əlaqəsinin olmadığını deyib.

Qeyd edək ki, İsrailin keçmiş müdafiə naziri Aviqdor Liberman Rəisinin ölümünün İranın bölgədəki siyasətində hər hansı dəyişikliyə səbəb olacağını gözləmədiyini bildirib.

“Bizim üçün fərqi yoxdur. İsrailin İrana münasibəti dəyişməyəcək. İranın siyasətini dini rəhbər Ayətullah Əli Xamenei müəyyən edir. Lakin prezidentin amansız bir insan olduğuna heç bir şübhə yox idi. Biz göz yaşı tökməyəcəyik" - Liberman deyib.