Politoloq Taleh Əliyev Rusiya-Azərbaycan münasibətlərində yaranmış gərginliyə münasibət bildirib.

gundemtv.az xəbər verir ki, onun sözlərinə görə, 2024-cü ilin dekabrında Azərbaycan təyyarəsinin Rusiya səmasında vurulması və bundan sonra məsul şəxslərin cəzalandırılmaması, əksinə, hadisənin inkar olunaraq texnogen və ya təbii fəlakətlə əlaqələndirilməsi Moskvanın yanlış siyasət yürütməsindən xəbər verir:

“Rusiya bu addımı ilə münasibətlərin korlanmasına şərait yaradıb. Bu siyasətdən hər iki tərəf, xüsusilə də hər iki ölkədə yaşayan miqrantlar və qarşılıqlı ticarətlə məşğul olan iş adamları zərər görür. ŞƏT-in 25-ci toplantısında Azərbaycan və Rusiya prezidentlərinin görüşməməsi də göstərir ki, hələ də ortaq məxrəc tapılmayıb. Təyyarəmizi vuranların cəzalandırılmaması münasibətlərin normallaşmasına ən böyük maneədir”.

Politoloq əlavə edib ki, Rusiya sağlam və beynəlxalq hüquqa əsaslanan mövqe sərgiləməyincə Bakı və Moskva arasında münasibətlərin bərpası mümkün olmayacaq:

“Dekabrdan bəri dövlətlərarası etimadın azalmasının şahidi oluruq. İtirən isə hər iki tərəfdir, xüsusən də xalqlar və iş adamları. Rusiya nə qədər tez Azərbaycanla və digər dövlətlərlə münasibətlərdə öhdəliklərə sadiq qalaraq konstruktiv mövqe nümayiş etdirərsə, bu, hər iki dövlətin xeyrinə olacaq. Burada əsas məsuliyyət Rusiyanın üzərindədir və münaqişənin həlli üçün ilk addımı Kreml atmalıdır”.

Əli Səfərli,
gundemtv.az

Oxunub: 125