2 avqust tarixində “Qazprom” və Çin korporasiyası CNPC yeni strateji əməkdaşlıq memorandumunu imzalayıb. Sənəd “Sibir Qüvvəsi-2” qaz kəmərinin və Monqolustan vasitəsilə tranzit “Şərq Birliyi” qaz kəmərinin tikintisi üzrə razılaşmaları əhatə edir.

gundemtv.az xəbər verir ki, Bloomberg-in məlumatına görə, Pekin hələ sazişin təfərrüatlarını təsdiqləməsə də, Putinin layihədə hər hansı irəliləyiş əldə etməsi Moskvanın Qərb sanksiyalarının təsirləri ilə mübarizə apardığı bir vaxtda “diplomatik uğur” kimi qiymətləndirilir.

Çin gömrük məlumatlarına əsasən, 2024-cü ildə ikitərəfli ticarət həcmində rekord $245 mlrd-a çatıb ki, bu da 2021-ci ilə nisbətən 68% çoxdur. Bloomberg qeyd edir ki, “Sibir Qüvvəsi-2” layihəsinin həyata keçirilməsində irəliləyiş Rusiya-Çin münasibətlərində yeni standart yarada bilər.

Yeni saziş çərçivəsində qaz tədarükü 30 il müddətinə ildə 50 mlrd kubmetr həcmində nəzərdə tutulub. Bundan əlavə, tərəflər aşağıdakı istiqamətlər üzrə tədarükün artırılmasını razılaşdırıblar:

“Sibir Qüvvəsi” qaz kəməri üzrə – ildə 38 mlrd-dan 44 mlrd kubmetr;

“Şərq Marşrutu” üzrə – ildə 10 mlrd-dan 12 mlrd kubmetr.

Əli Səfərli,
gundemtv.az

Oxunub: 511