“Ümumiyyətlə son dövrlərdə Rusiya rəsmi qurumları azərbaycanlılara və digər miqrantlara qarşı çox ciddi, mənfiyə doğru və qüsurlu siyasət sərgiləyir. Xüsusən azərbaycanlılara qarşı münasibətdə bu nəzərə çarpır”.

Gündəm24.az xəbər verir ki,Bunu Demokrat.az-a açıqlamasında millət vəkili Arzuxan Əlizadə deyib. O bildirib ki, təkcə Rusiyaya gedən sənətçilər deyil, eləcə də siravi vətəndaşlarla bağlı problemlər var:

“Artıq uzun müddətdir ki, vətəndaşlar Rusiyaya gediş-gəlişlə bağlı problemlər yaşandığını qeyd edirlər. Aşırı yoxlamalar keçirilir, saatlarla gözlədirlər, bir çox hallarda geri göndərirlər. Orada yaşayan, Rusiya vətəndaşı olan azərbaycanlılara qarşı da təzyiqlər var.
Bütün bunlar heç bir halda Rusiya-Azərbaycan müttəfiqliyinə, münasibətlərə müsbət çalarlar gətirmir. Əksinə, dövlətlərimiz və xalqlarımız arasında münasibətlərin daha da pisləşməsinə rəvac verir. İstənilən halda, bu vəziyyətin yaranmasında günahkar Rusiya özüdür”.

Oxunub: 31