“Vaşinqton görüşlərindən sonra Azərbaycanla Ermənistan arasında sülh reallığa çevrilməkdədir. Lakin bununla belə, sülhü istəməyən qüvvələrin istəkləri səngiməyib. Regiona nəzarət etmək istəyən dövlətlər öz istəklərindən əl çəkməyib. Hesab edirəm ki, onlar da hər hansı formada bu istəklərini reallaşdırmağa çalışacaqlar”.

Bunu Demokrat.az-a açıqlamasında millət vəkili Aydın Hüseynov deyib. O bildirib ki, Ermənistan illərdir Rusiyanın təsiri altındadır, onun təsirindən çıxa bilməyib:

“Digər tərəfdən, Rusiyanın Gümrüdə bazası yerləşir və bu yaxınlara qədər Ermənistanın sərhədlərini Rusiya qoruyurdu. Mən hesab edirəm ki, Vaşinqton görüşündən sonra situasiya xeyli dəyişib. Sülhün əldə olunacağına, Zəngəzur dəhlizinin açılacağına heç bir şübhə yoxdur. Sadəcə olaraq, bu ərəfədə hər hansı revanşist mərkəzlər təxribatlara cəhd göstərə bilərlər. Bundan sonra hansısa risklər meydana çıxacaqsa, bizim yeganə etibar etdiyimiz Azərbaycan Ordusudur”.

Oxunub: 26