Ermənistanın Avstriyadakı konsulu Aşxen Aleksanyan Azərbaycana "casusluq"da şübhəli bilinərək həbs edilib.
Gündəm24.az xəbər verir ki, Ermənistan mediasının məlumatına görə, hadisə təxminən iki ay əvvəl baş verib.

Belə ki, Aleksanyan İrəvana qayıdarkən hava limanında saxlanılıb.

İddia olunur ki, onun üzərində Azərbaycanın xeyrinə casusluq şübhəsi yaradan sənədlərin olduğu müəyyən edilib.

Məlumata əsasən, həbslə bağlı Milli Təhlükəsizlik Xidmətinin əməkdaşları Ermənistan Xarici İşlər Nazirliyinin binasında da axtarış aparıb, kompüterləri və sənədləri götürüblər.

Mənbələr yazır ki, Aleksanyanın saxlanması barədə xəbərin gizlədilməsi üçün onunla bağlı demək olar ki, bütün məlumatlar, o cümlədən diplomatik təyinatı barədə açıqlamalar açıq mənbələrdən silinib.

Mövlam RZALI,
Gündəm24.az

Oxunub: 26