Yay vaxtı günəş altında maşında uzun müddət qalan plastik qabdakı suyun içilməsi sağlamlıq üçün təhlükəlidir.

Gündəm24.az Yenisabah.az-a istinadən xəbər verir ki, mütəxəssislər isti havanın plastik qabların tərkibindəki kimyəvi maddələrin suya qarışmasına səbəb olduğunu bildirirlər.

Xüsusilə bisfenol A (BPA) kimi zərərli maddələr istidə daha tez suya keçir. Bu maddələrin bədənə daxil olması hormon pozğunluqlarına, xərçəng riskinin artmasına və digər sağlamlıq problemlərinə yol aça bilər.
Həkimlərin sözlərinə görə, maşında saxlanılan suyun dadı da dəyişir. Bu isə onun keyfiyyətinin pozulduğunu göstərir. İstilik altında qalmış plastik qablar həm də mikrob və bakteriyaların çoxalması üçün əlverişli mühit yaradır.

Mütəxəssislər sürücülərə və sərnişinlərə belə qabdakı sudan içməməyi, onun əvəzinə şüşə qabdan istifadə etməyi və suyu maşında kölgədə saxlamağı məsləhət görürlər.

Deməli, yay istisində maşında uzun müddət qalmış plastik qabdakı sudan içmək sağlamlıq üçün ciddi təhlükə yarada bilər.

Oxunub: 122