ABŞ dövlət katibi Marko Rubio və Türkiyənin xarici işlər naziri Hakan Fidan görüşlərinin yekununda Ukraynadakı münaqişənin nizamlanması üçün diplomatik səylərin davam etdirilməsinin vacibliyini vurğulayıblar.

Gündəm24.az xəbər verir ki, bu barədə ABŞ Dövlət Departamentinin mətbuat xidmətinin rəhbər müavini Tommi Pigott açıqlama verib.

Onun sözlərinə görə, tərəflər Rusiya-Ukrayna müharibəsinin dayandırılması və davamlı sülhün əldə olunması üçün danışıqlar yolunun önəmini qeyd ediblər.

Bundan əlavə, Rubio və Fidan ABŞ-la Türkiyə arasında ikitərəfli münasibətlərin möhkəmləndirilməsi, NATO çərçivəsində əməkdaşlıq məsələlərini də müzakirə ediblər.

“Onlar həmçinin Yaxın Şərqdə sülh və sabitliyə dəstək olduqlarını ifadə ediblər”, – deyə Pigott bildirib.

Mövlam RZALI,
Gündəm24.az

Oxunub: 25