ABŞ Prezidenti Donald Tramp Qəzzadakı münaqişənin tezliklə sona çatacağı ilə bağlı proqnoz verib. Tramp İsrailin hücumları fonunda Qəzzada vəziyyətin gərginləşdiyini qeyd edərək, münaqişənin dayandırılması üçün ciddi diplomatik səylərin görüldüyünü vurğulayıb.

Gündəm24.az xəbər verir ki, prezident bildirib ki, hazırda aparılan diplomatik danışıqlar çox ciddi xarakter daşıyır və onun fikrincə, növbəti iki-üç həftə ərzində Qəzzadakı münaqişənin tam və aydın şəkildə sona çatacağı gözlənilir. Tramp bu müddətdə tərəflərin müəyyən kompromislərə getməsini və sülhə nail olunmasını ehtimal edir.

Onun sözlərinə görə, ABŞ diplomatiyası və beynəlxalq tərəfdaşların səyləri nəticəsində regionda humanitar böhranı azaltmaq və döyüş əməliyyatlarını dayandırmaq üçün əsas imkanlar yaranıb. Tramp həmçinin tərəflərə çağırış edərək, münaqişənin davam etməsinin humanitar fəlakətləri daha da dərinləşdirəcəyini diqqətə çatdırıb.

Beləliklə, ABŞ Prezidenti Qəzzadakı münaqişənin yaxın gələcəkdə həll olunacağına ümid etdiyini açıq şəkildə ifadə edib və diplomatik səylərin davam etdiriləcəyini vurğulayıb.

Əli Səfərli,
Gündəm24.az

Oxunub: 54