Xəbər veriyimiz kimi, Rusiya ordusu avqustun 28-də Kiyevə hücum edib. Nəticədə azı 10 nəfər itkin düşüb.

Gündəm24.az xəbər verir ki, bu barədə Ukraynanın daxili işlər naziri İqor Klimenko özünün “Telegram” kanalında məlumat yayıb.

Nazirin sözlərinə görə, xilasedicilər çoxmərtəbəli binanın dağıntıları altından daha üç nəfərin meyitini çıxarıb:

“Hazırda 10 nəfər itkin düşmüş sayılır”.

Məlumata görə, həlak olanlar arasında üç uşaq da var. Onların yaşı 2, 14 və 17 olaraq dəqiqləşdirilib. Bir uşaq dağıntılar altından çıxarılıb, digər ikisi isə xəstəxanada ağır xəsarətlərdən dünyasını dəyişib.

Klimenko bildirib ki, hadisə yerlərində axtarış-xilasetmə və bərpa işləri davam edir.

Mövlam RZALI,
Gündəm24.az

Oxunub: 34