Rusiya Silahlı Qüvvələri gecə saatlarında Ukraynaya zərbələr endirib.

Gündəm24.az xəbər verir ki, bu barədə Ukrayna telegram kanalları məlumat yayıb.

Məlumata görə, paytaxt Kiyevdə artıq 4 nəfərin (o cümlədən 2 uşağın) həlak olduğu, ən azı 22 nəfərin yaralandığı bildirilir.

Hazırda paytaxtda güclü yanğınlar var, hücumun nəticələri 20-dən çox yerdə müşahidə olunur. Birbaşa zərbə ilə 5 mərtəbəli bina məhv edilib, dağıntılar altında insanlar var; çoxmərtəbəli binalar, fərdi evlər, dayanacaq, uşaq bağçası, ticarət mərkəzi və ofislər zədələnib.

Vinnitsa vilayətində düşmən kritik infrastruktur obyektlərini hədəfə alıb. Enerji obyektlərinə zərbə nəticəsində 29 yaşayış məntəqəsində 60 min istehlakçı işıqsız qalıb, bu səbəbdən dəmir yolu nəqliyyatında gecikmələr yaranıb.
Zaporojyedə isə müəssisələrdən biri hücuma məruz qalıb. Zərbə nəticəsində yanğın baş verib.
Məlumatda bildirilir ki, Rusiya Silahlı Qüvvələri mülki sərnişin qatarlarına da zərbə endirib.

Mövlam RZALI,
Gündəm24.az

Oxunub: 108