Stenford Universitetinin hesabatına görə, süni intellekt texnologiyalarının sürətli inkişafı 22-25 yaşlı amerikalılar arasında məşğulluğun azalmasına səbəb olub.
Gündəm24.az xəbər verir ki, bu barədə TASS məlumat yayıb.

Hesabata görə, ChatGPT-nin 2022-ci ilin sonunda istifadəyə verilməsindən sonra texnologiya sahəsində mütəxəssislərin iş imkanları 13% azalıb. Proqram tərtibatçıları arasında bu rəqəm 20%-ə çatır.

Buna baxmayaraq, daha təcrübəli işçilər və daha az həssas peşələrdə məşğulluq səviyyəsi sabit qalıb və ya artmağa davam edib.

Tədqiqatın müəlliflərindən, iqtisadçı Erik Brynjolfsson "Axios"a müsahibəsində bildirib ki, “Biz əmək bazarının necə uyğunlaşa biləcəyini düşünməliyik ki, hər kəsin karyera qurmaq şansı olsun”.

Mövlam RZALI,
Gündəm24.az

Oxunub: 35