Yekaterinburqdakı 1 saylı istintaq təcridxanasında saxlanılan Azərbaycan diasporunun rəhbəri Şahin Şıxlinski onunla kamera yoldaşı olmasını xahiş edib.

Gündəm24.az xəbər verir ki, bu barədə regional İctimai Nəzarət Komissiyasının katibi Vladimir Popov “Ura.ru” nəşrinə açıqlamasında bildirib.

Onun sözlərinə görə, Şıxlinskinin saxlandığı kamera təmirli və standartlara uyğun olsa da, çox kiçikdir:

“Belə böyük insan üçün bu şərait ağırdır, o, çətinlik çəkir”, – Popov bildirib.

Şıxlinski həmçinin qeyd edib ki, istintaq təcridxanasının əməkdaşları onunla normal davranır, saxlanma şəraitindən və yeməkdən narazılığı yoxdur. Əsas narahatlıq onun səhhəti ilə bağlıdır.

“O, həm yaşlı, həm də xəstə insandır. Elə xəstəliyi var ki, hər an təcili tibbi yardım lazım ola bilər. Buna görə də yanında həyəcan siqnalı verə biləcək və lazım gəldikdə həkim çağıracaq kamera yoldaşının olması arzu edilir”, – Nəzarət komissiyasının katibi deyib.

Mövlam RZALI,
Gündəm24.az

Oxunub: 91