Rəqsanə İsmayılova həyat yoldaşını onun müdafiəsini zəif qurmaqda günahlandırıb.

Vəkili vasitəsilə həyat yoldaşı Fazil Əmiraslanova mesaj göndərən müğənni ondan şikayətçilərlə məsələni yoluna qoymasını xahiş edib. 

Müğənninin digər narazılığı isə onun dar günündə həyat yoldaşının Azərbaycanı tərk edərək Rusiyaya getmək istəməsi ilə bağlı olub.

Qeyd edək ki, Fazil Əmiraslanov son açıqlamalarından birində Rusiya səfirliyindən kömək istəyərək Azərbaycanı tərk etmək niyyətini ifadə etmişdi:

"Biz başqa ölkənin vətəndaşı olduğumuz üçün burada ailəmlə birgə əlimizdən heç bir şey gəlmir. Mən Fazil Əmiraslanov bir rus vətəndaşı olaraq Rusiya səfirliyindən kömək istəyirəm. Mənim və övladlarımın təhlükəsizliyini təmin etsinlər, ölkəmə geri göndərsinlər".//savashmedia

Fazil Əmiraslanov isə həbsdə olan həyat yoldaşına ölkəni Rusiyadakı obyektini satmaq üçün getmək istədiyini bildirib.

Xatırladaq ki, bir müddət öncə Fazil Əmiraslanovun müğənninin borclarını bağlamaq üçün Moskvadakı restoranını satışa çıxardığını yazmışdıq. Mənbəmiz iddia edir ki, Fazil Əmiraslanovun Azərbaycanda olması onun Rusiyadakı obyektini satmasında müəyyən hüquqi problemlər yaradır.   

Amma tərəflər arasındakı narazılıq bununla da bitmir. Belə ki, istintaqa cəlb olunarkən Fazil Əmiraslanovun verdiyi ifadə Rəqsanə İsmayılovanı razı salmayıb. 

O, həmin ifadəsində pulun alınması və verilməsindən məlumatsız olduğunu və bu məsələnin ona heç bir aidiyyətinin olmadığını bildirib.

Bu baxımdan iş adamı Fazil Əmiraslanovun vəkili Ramal Şahmarovun açıqlamasına diqqət yetirək:

"Fazil Əmiraslanov istintaqa ifadə verib, amma elan edilən ittihamı qəbul etməyib, özünün təqsirsiz olduğunu bildirib. Elan edilən ittihamın Fazil Əmiraslanovla heç bir əlaqəsi yoxdur. Hadisə barədə yalnız qarşı tərəfin şikayəti əsasında məlumat əldə edib".

Qeyd edək ki, müğənni Rəqsanə İsmayılovadan şikayətçi olan Gündüz Məmmədov video müraciətində 520 min dolları şəxsən Rəqsanə İsmayılova və həyat yoldaşı Fazil Əmiraslanova verdiyini açıqlamışdı.

Dələduzluqda təqsirləndirilən müğənni Rəqsanə İsmayılova barəsində 4 aylıq həbs qətimkan tədbiri seçilib.

Oxunub: 755