Kənd Təsərrüfatı Nazirliyi yanında Aqrar Xidmət Agentliyinin ''Caspian Agro 2025'' 18-ci Azərbaycan Beynəlxalq Kənd Təsərrüfatı Sərgisində iştirak üçüb boş ekspozisiya sahəsinin mallarının və əlaqədar xidmətlərin satın alınması ilə bağlı elan etdiyi tenderi yekunlaşdırıb.
Gündəmtv.az iqtisadiyyat.az-a istinadən xəbər verir ki, tenderin qalibi “Caspian Event Organisers LLC” şirkəti seçilib.
Bağlanılmış müqaviləyə əsasən, şirkət sözügedən xidmətlərin icrasını 33.006,96 manata həyata keçirəcək.
Qeyd edək ki, sayca 18-ci olan Azərbaycan Beynəlxalq Kənd Təsərrüfatı “Caspian Agro” sərgisi 13-16 may tarixlərində Bakı Ekspo Mərkəzində keçiriləcək.
Xatırladaq ki, bu gün Baş Prokurorluğun yaydığı məlumata əsasən, sözügedən agentlikdə korrupsiya ilə bağlı əməliyyat aparılıb. Texniki nəzarət şöbəsinin müdir müavini Rəşad Yolçiyev barəsində məhkəmənin qərarı ilə ev dustağı qərarı verilib.
