Rusiya KİV-lərinin məlumatına görə, Novosibirsk vilayətinin Qanunverici Məclisinin spiker müavini, Birinci Tikinti Fondunun baş direktoru Mais Məmmədov “Vətənə xidmətə görə” II dərəcəli medalı ilə təltif edilib.

Təltif 22 avqustda Rusiya Dövlət Bayrağı Günü münasibətilə keçirilən təntənəli mərasimdə verilib.

Gündəm24.az xəbər verir ki, Mais Məmmədov mərasimdə deyib:

“Prezidentin böyük Rusiyanın xalqı adından mükafatı təqdim etməsi mənim üçün böyük şərəfdir. Mən hesab edirəm ki, bu mükafat həm mənim, həm də komandamın zəhmətinin nəticəsidir. Əlbəttə, bu çox həyəcanlıdır. Bütün yetkin həyatım boyunca mənə kömək edən hər kəsin zəhməti sayəsində bu gün buradayam. 39 il əvvəl Sibiriya gələndə burada aşiq oldum və qaldım. Heç düşünməzdim ki, mənim xidmətlərim dövlət və Rusiya prezidenti tərəfindən belə yüksək qiymətləndiriləcək.”

Səmra İsmayıl,
Gündəm24.az

Oxunub: 66