Ukrayna prezidenti Volodimir Zelenski Rusiya ilə müharibənin gedişatına toxunaraq bildirib ki, Donbasın tam işğalı Moskvanın düşündüyündən qat-qat uzun zaman ala bilər.

Gündəm24.az xəbər verir ki, Zelenski çıxışında Rusiyanın genişmiqyaslı müharibənin əvvəlindən bu günə qədər Donetsk vilayətinin yalnız üçdə birini işğal edə bildiyini diqqətə çatdırıb: “Onlar indiyədək Donbasın təxminən 67-69 faizinə nəzarət edirlər. Yəni dörd ilə yaxın davam edən müharibə ərzində yalnız üçdə birini ələ keçiriblər. Buna görə də ‘Rusiyanın ilin sonuna qədər bütün Donbası işğal edəcəyi’ barədə deyilənlər sadəcə söz-söhbətdir. Reallıq budur ki, Donbası tam işğal etmək üçün onlara azı daha dörd il lazım olacaq”.

Prezident əlavə edib ki, Moskva tərəfi müəyyən ərazilərin, xüsusilə də Kinburn qəsəbəsinin əvəzlənməsi ilə bağlı təkliflər irəli sürür.

Səmra İsmayıl,
Gündəm24.az

Oxunub: 38