Tanınmış iranlı ekspert Əbdürrəhman Əbdani Ermənistanın baş naziri Nikol Paşinyanın ABŞ prezidenti Donald Trampa yaxınlaşmasının səbəblərindən birinin İranın regional siyasətdəki passivliyi olduğunu bildirib.

Gündəm24.az xəbər verir ki, Əbdani “ISCA News”a müsahibəsində İran rəsmilərinin Azərbaycanın Tehrana qarşı atdığı addımlara adekvat cavab verməməsini tənqid edib. Onun sözlərinə görə, bu vəziyyət İrəvanın ABŞ-la daha açıq və birbaşa əməkdaşlıq yoluna çıxmasına şərait yaradıb. Ekspert əlavə edib ki, Paşinyan uzun illərdir Qərbyönümlü siyasət yürüdür və bu kurs yeni deyil.

“Şübhə yoxdur ki, bu layihənin – yəni Tramp marşrutunun işə düşməsi Cənubi Qafqazda iki əsas oyunçu olan İran və Rusiyanın maraqlarını təhlükə altına qoyur. Böyük ehtimalla, Trampın bu layihədə iştirak motivasiyasını artıran da məhz budur. Digər tərəfdən, Azərbaycan və Türkiyə kimi aktorlar bu prosesdən ciddi fayda əldə edəcəklər”, – deyə Əbdani vurğulayıb.

Səmra İsmayıl,
Gündəm24.az

Oxunub: 51