ABŞ Prezidenti Donald Tramp Ukrayna üçün silahların pulunu kimin ödəyəcəyini açıqlayıb.

Gündəm24.az “Qafqazinfo”-ya istinadən xəbər verir ki, Tramp bu haqda Ağ Evdə ukraynalı həmkarı Volodimir Zelenski ilə birgə mətbuat konfransında danışıb.

O, NATO-nun Ukraynaya tədarük edilən ABŞ silahlarının pulunu ödəyəcəyini söyləyib:

“Biz NATO-ya silah-sursat satırıq, NATO da Ukraynanı bu silahlara sahib olmağını istəyir. Biz dünyanın ən yaxşı avadanlıqları ilə onları təchiz edirik və buna görə bizə pul ödəyirlər”.

Ukrayna Prezidenti isə öz növbəsində NATO vasitəsilə ABŞ silahlarını almaq imkanı yaratdığına görə Avropaya təşəkkür edib.

O əlavə edib ki, ABŞ prezidenti ilə hava hücumundan müdafiə sistemlərinin, xüsusilə “Patriot” sistemlərinin təmin edilməsi məsələsini müzakirə edib.

Oxunub: 44