İran prezidenti Məsud Pezeşkian qonşu ölkələrlə əlaqələrin genişləndirilməsinin İranın strateji prioritetlərindən biri olduğunu vurğulayıb.

Gündəm24.az president.ir-ə istinadla xəbər verir ki, onun Ermənistan və Belarusa səfərləri zamanı mühüm anlaşma memorandumlarının və sazişlərin imzalanacağını qeyd edib.

İrəvana getməzdən əvvəl o, bu xəttin İranın Ali Rəhbərinin bir daha təsdiq etdiyi uzunmüddətli səylərinə uyğun olduğunu vurğulayıb. Dominos pizza

Ermənistanın siyasi, iqtisadi, mədəni və sosial sahələrdə çoxdankı dost və strateji tərəfdaş olduğunu vurğulayan Pezeşkian qeyd edib ki, hər iki tərəf münasibətləri ən yüksək səviyyədə saxlamağa çalışır və əməkdaşlığa təkan verən bir sıra razılaşmalar artıq əldə olunub.

O, birgə inkişaf üçün yeni imkanlar açan əsas müzakirə mövzusu kimi Şimal-Cənub Beynəlxalq Nəqliyyat Dəhlizini göstərib, həmçinin regional ticarət əlaqələrinin genişləndirilməsi vasitəsi kimi Şərq-Qərb marşrutundan danışıb.

Pezeşkian, həmçinin Amerika şirkətlərinin regionda mövcudluğundan narahatlığını ifadə edərək, onların fəaliyyətinin təxribat fəaliyyətini gizlətdiyi keçmiş halları xatırladıb və danışıqlar zamanı bu məsələnin ciddi şəkildə müzakirə ediləcəyini bildirib.

İran prezidenti daha sonra texniki, mühəndislik, tikinti, mədənçıxarma, mədəni və sosial sahələrdə imzalanmaq üçün hazırlanan sazişləri xatırladıb və onların əməkdaşlığı əhəmiyyətli dərəcədə artıracağını deyib.

O qeyd edib ki, İranın Avrasiya İqtisadi Birliyinə üzv olması həm də iqtisadi inkişaf üçün yeni imkanlar açır.

Oxunub: 46