Prezident Rəcəb Tayyib Ərdoğan Lütfi Kırdar Konqres və Sərgi Mərkəzində keçirilən Birlik Fondunun 40 illik yubiley proqramında çıxış edib.

Gündəm24.az xəbər verir ki, Prezident Ərdoğan çıxışında gəncləri nümunə götürdükləri idmançı, sənətçi və fikir liderləri ilə birləşməyə çağırıb və onlayn qumar və mərc oyunlarına qarşı mübarizədə kollektiv həmrəyliyin vacibliyini vurğulayıb.

O bildirib ki, rəqəmsal texnomədəniyyətin gənclərimizə mənfi təsirlərini yalnız birgə mübarizə ilə aradan qaldırmaq mümkündür və siyasi partiyaların absurd gündəmlərdən əl çəkib ölkənin üzləşdiyi təcili problemlərə diqqət yetirməsini istəyir.

Ərdoğan qeyd edib ki, alkoqol, narkotik və qumar kimi təhlükələr ailələri məhv edir, lakin bəzi müxalifət qüvvələri bu ziyanlı vərdişləri qanuniləşdirməyə və təşviq etməyə çalışır.

O həmçinin milli dəyərlərin və ailə institutunun qorunmasının vacibliyini, gənclərimizin və gələcək nəsillərin bu hücum dalğasından qorunması üçün birləşmənin zəruriliyini qeyd edib.

Ərdoğan çıxışında qlobal mədəni imperializmin fərddən ailəyə, ailədən cəmiyyətə yayılan çürümə riskini artırdığını və milli quruluşun kövrəkliyini vurğulayıb.

Sədaqət Həsənova

Gündəm24.az

Oxunub: 36