İranın xarici işlər naziri Arakçi ABŞ prezidenti Donald Trampı “keçmişin səhvlərini təkrarlamaqdan çəkinməyə” çağıraraq diplomatiyanın müharibədən daha yaxşı bir yol olduğunu bildirib.

Gündəm24.az xəbər verir ki, İranın xarici işlər naziri Abbas Əraqçi ABŞ Prezidenti Donald Trampa müraciət edərək bildirib ki, Vaşinqton keçmiş səhvləri təkrarlamamalı və Tehranla müharibə əvəzinə diplomatiyaya üstünlük verməlidir.

Əraqçi mesajında vurğulayıb: “İyun ayında etdiyiniz səhvi təkrarlamayın. Müharibə və diplomatiya arasında seçim etmək lazımdırsa, diplomatiya ən yaxşı yoldur; baxmayaraq ki, ABŞ ilə müsbət təcrübəmiz yoxdur. Buna baxmayaraq, diplomatiya müharibədən daha yaxşıdır.”

İranda etiraz dalğası dekabrın sonunda Tehranda yerli valyutanın xarici valyutaya qarşı kəskin devalvasiyası ilə başlayıb və ölkənin bir çox şəhərinə yayılıb.

8 yanvarda 1979-cu ildə devrilmiş İran şahının oğlu Rza Pəhləvinin çağırışlarından sonra nümayişlər yenidən şiddətlənib və həmin gün ölkə daxilində internet bağlantısı kəsilib. Bir çox şəhərdə etirazlar təhlükəsizlik qüvvələri ilə toqquşmalara çevrilib, siyasi sistemə qarşı şüarlar səsləndirilib və həm etirazçılar, həm də təhlükəsizlik qüvvələri arasında itkilər bildirilib.

İran hökuməti hadisələrin arxasında ABŞ və İsrailin dayandığını iddia edib, lakin 12 yanvarda vəziyyətin nəzarət altında olduğunu elan edib.

Sədaqət Həsənova

Gündəm24.az

Oxunub: 68