İran hakimiyyəti iqtisadi problemləri həll etmək üçün iş adamları ilə danışıqlara başladı, lakin sonra terrorçu qruplar etirazçılara qoşuldu.

Gündəm24.az xəbər verir ki, İranın xarici işlər naziri Abbas Əraqçi xarici səfirlərlə görüşdə ölkəsinə qarşı “terror müharibəsi” aparıldığını bəyan edib. Onun sözlərinə görə, etirazlar əvvəlcə dinc xarakter daşıyıb və hökumət iqtisadi problemlərin həlli üçün dərhal iş adamları və digər maraqlı tərəflərlə danışıqlara başlayıb. Lakin sonradan terrorçu qruplar etirazçıların sıralarına daxil olaraq vəziyyəti kəskinləşdirib.

Əraqçi bildirib ki, hakimiyyət orqanlarının etirazçıların hüquq-mühafizə əməkdaşlarına atəş açdığına dair açıq və təkzibedilməz sübutları var. Bu proseslərin fonunda ABŞ-ın İranı zorakılıq və ölkədə sabitliyi pozmaqla hədələdiyini də vurğulayıb.

Ölkədə kütləvi etirazlar 2025-ci ilin dekabr ayının sonlarında İran rialının kəskin devalvasiyası ilə başlayıb. Narazılığın əsas səbəbləri valyuta məzənnəsindəki dalğalanmalar, topdan və pərakəndə satış qiymətlərinin sürətlə artması olub. Tehran və digər böyük şəhərlərdə keçirilən etiraz aksiyalarının görüntüləri sosial mediada geniş şəkildə yayılıb və ölkədəki gərginliyi daha da gündəmə gətirib.

Sədaqət Həsənova

Gündəm24.az

Oxunub: 195