ABŞ prezidenti Tramp bildirib ki, Danimarkanın bir hissəsi olaraq qalmağı seçdiklərini deyən Qrenlandiyanın baş naziri Nilsenin böyük bir problemlə üzləşdiyi bildirilib.

Gündəm24.az xəbər verir ki, Jurnalistlərin sualına cavab olaraq ABŞ Prezidenti Donald Tramp Qrenlandiyanın Baş naziri Yens-Frederik Nilsenin “Əgər ABŞ və Danimarka arasında seçim etməli olsaydıq, Danimarkanı seçərdik” açıqlamasına münasibət bildirib. Tramp cavab verib: “Bu, onların problemidir. Mən onunla razı deyiləm. Onun kim olduğunu bilmirəm. Onun haqqında heç nə bilmirəm, amma bu, onun üçün böyük bir problem olacaq.”

Qrenlandiyanın Baş naziri daha əvvəl ölkəsinin adaya ABŞ-ın sahib olmasını və nəzarət etməsini istəmədiyini bildirmişdi. ABŞ prezidenti Tramp isə seçildiyi andiçmə mərasimindən bəri dəfələrlə Qrenlandiyanın strateji mövqeyini əsas gətirərək onun ABŞ-ın bir hissəsinə çevrilməli olduğunu bildirib. Tramp Qrenlandiyanın milli təhlükəsizlik və “azad dünyanın müdafiəsi” üçün vacib olduğunu iddia edib, lakin bu məqsədə çatmaq üçün hərbi gücdən istifadə etməyəcəyinə dair vəd verməkdən imtina edib və adanın, yoxsa NATO-nun onun üçün daha vacib olduğunu açıqlamayıb.

Ötən ilin dekabr ayında ABŞ prezidenti Luiziana qubernatoru Ceff Lendrini Qrenlandiya üzrə xüsusi nümayəndə təyin edib. Lendri o vaxtdan bəri ABŞ-ın adanı ilhaq etmək niyyətini təsdiqləyib. ABŞ-ın Venesueladakı hərbi əməliyyatından sonra Qrenlandiya ətrafında gərginlik artıb. Tramp Venesuela əməliyyatından sonra ABŞ-ın Qrenlandiyaya ehtiyacı olduğuna bir daha diqqət çəkib. Bundan əvvəl Trampın siyasət müşaviri Stiven Millerin həyat yoldaşı sosial mediada ABŞ bayrağının rənglərində adanın xəritəsini göstərən və “Tezliklə” başlığı ilə çəkilmiş bir şəkil paylaşmışdı.

Bütün bunlar Qrenlandiyada sərt tənqidlərə səbəb olub. Qrenlandiya parlamentindəki bütün partiyaların liderləri Vaşinqtonun ritorikasını və ABŞ-a üzvlüyə qarşı çıxmasını pisləyən birgə bəyanat yayıblar. Danimarkanın ABŞ-dakı səfiri Jesper Møller Sørensen isə Kopenhagen və Vaşinqtonun yaxın müttəfiqlər olduğunu xatırladıb.

Sədaqət Həsənova

Gündəm24.az

Oxunub: 74