Rusiya Müdafiə Nazirliyi əlavə edib ki, 6-cı Motoatıcı Diviziyasının kəşfiyyat qoşunları Konstantinovka kəndi yaxınlığında düşmənin müşahidə məntəqəsi və müvəqqəti yerləşdirmə yeri aşkar ediblər.

Gündəm24.az xəbər verir ki, Rusiya Müdafiə Nazirliyi bildirib ki, “Cənub döyüş qruplaşmasının” pilotsuz təyyarə operatorları Ukraynanın canlı qüvvəsini və anbarını məhv edərək Konstantinovka istiqamətində rotasiyanı pozublar.

Nazirlik bildirib ki, “Konstantinovka ərazisində pilotsuz sistem operatorları döyüş tapşırıqları zamanı üç yerdə düşmən qoşunlarının növbələşməsini aşkar ediblər. Altı ukraynalı hərbçi dəqiq zərbələr nəticəsində həlak olub. Pilotsuz sistem operatorları həmçinin yanacaq-sürtkü anbarı aşkar ediblər. Onlar dəqiq zərbə endirərək hədəfi məhv ediblər”.

Bundan əlavə, 6-cı Motoatıcı Diviziyasının kəşfiyyat qoşunları Konstantinovka kəndi yaxınlığında düşmənin müşahidə məntəqəsini və müvəqqəti yerləşdirmə yerini aşkar edərək koordinatları Msta-B artilleriya bölmələrinə ötürüb. Nazirlik əlavə edib ki, hər iki düşmən hədəfi 152 mm-lik toplardan dəqiq zərbələr endirilərək məhv edilib.

Sədaqət Həsənova

Gündəm24.az

Oxunub: 13