NATO Polşa və Baltikyanı ölkələrin hava məkanını qorumaq üçün “Eastern Centry” əməliyyatına başlayıb.

Rusiya PUA-larının Polşaya hücumundan sonra NATO alyansı bölgədə “Eastern Centry” adlı yeni əməliyyata start verib.

gundemtv.az xəbər verir ki, Mazovetsk vilayətində yerləşən hərbi aviabazaya Fransa Hərbi Hava Qüvvələrinə məxsus A400M tipli nəqliyyat təyyarəsi silah-sursat çatdırıb. Bu sursat artıq bazada yerləşdirilmiş Rafale qırıcılarının istifadəsi üçün nəzərdə tutulub. Əməliyyata, fransız qırıcıları ilə yanaşı, Almaniya Hərbi Hava Qüvvələrinin iki Eurofighter Typhoon, Danimarkanın iki F-16 təyyarəsi və hava hücumundan müdafiə vasitələri də cəlb olunacaq.

Polşada əlavə hava hücumundan müdafiə kompleksləri və PUA-lara qarşı mübarizə sistemlərinin də yerləşdirilməsi planlaşdırılır. Bu qüvvələr Ukraynaya hərbi təchizatın təhlükəsizliyini təmin etmək məqsədilə Polşada əvvəllər yerləşdirilmiş alyans qüvvələrinə əlavə olaraq göndərilir.

Əli Səfərli,
gundemtv.az

Oxunub: 463