İranın ali rəhbərinin müşaviri Əli Əkbər Vilayəti Azərbaycanın avropalı ravvinlərin toplantısına ev sahibliyi etməsi barədə yayılan xəbərlərə sərt və əsassız münasibət bildirib.

gundemtv.az xəbər verir ki, o, bunu guya “anti-İslam” addımı adlandıraraq, “müsəlman ölkəsində avropalı ravvinlərin iclası” barədə xəbərin doğru olmamasına ümid etdiyini deyib.

Vilayəti açıqlamasında hətta Azərbaycanın tarixini təhrif edərək, guya Azərbaycan xalqının İrana qayıtmaq istədiyini və Azərbaycanın İrana bağlı olduğu iddiasını səsləndirib. O, toplantının məqsədini də təhrif edərək bunu “İbrahim razılaşmalarını genişləndirmək” cəhdi kimi qələmə verib.

Qeyd edək ki, İran rəsmisinin “Azərbaycan xalqı bu görüşdən narazı qalacaq” iddiası reallıqdan tam uzaqdır. Azərbaycan xalqı öz dövlətinin müstəqilliyini, dini-etnik müxtəlifliyini və əsrlər boyu formalaşmış tolerantlıq ənənələrini qətiyyətlə dəstəkləyir.

Ekspertlərin fikrincə, Vilayətinin bu əsassız ittihamları İranın bölgədə azalan nüfuzunu və təsir imkanlarını gizlətmək cəhdindən başqa bir şey deyil.

Əli Səfərli,
gundemtv.az

Oxunub: 124