Wall Street Journal iddia edir ki, Rusiya prezidenti Vladimir Putin ölkəni müxtəlif bölgələrdə yerləşən üç eyni tipli bunkerdən idarə edir.

Gündəm24.az xəbər verir ki, nəşrin məlumatına görə, hər üç bunker eyni plan əsasında inşa olunub, detallara qədər oxşar şəkildə qurulub və tam avadanlıqla təmin edilib. Hətta iki başlı qartal təsvirli qələmaltı və içindəki on ədəd iti qələm belə bütün kabinetlərdə eyni qaydada yerləşdirilib.

Bunkerlərdə pəncərələrin olmaması səbəbindən Putinin dəqiq yerini müəyyənləşdirmək mümkün deyil. O, mobil telefondan istifadə etmir və internetə nadir hallarda çıxır.

Məlumata görə, məhz bu bunkerlərdən Putin Ukraynada cəbhə komandanlarına göstəriş verir və Rusiyada tətbiq edilən daxili məhdudiyyətlərə nəzarət edir.

Əli Səfərli,
gundemtv.az

Oxunub: 165