Rusiya Prezidenti Vladimir Putinin Ermənistanın Baş naziri Nikol Paşinyanla telefon danışığından sonra İrəvanın rəsmi açıqlaması müzakirələrə səbəb olub. Bildirilir ki, Paşinyan Putinin sülh danışıqlarının Moskvada davam etdirilməsi, nəqliyyat və logistika əlaqələrinin Rusiyanın iştirakı ilə (Zəngəzur dəhlizində FTX-nin dayanması) açılması məsələsinə qayıdışı qəbul etməyib.

Məsələylə bağlı Bakupost.az -a danışan politoloq Zərdüşt Əlizadə hər bir dövlətin öz maraqlarını müdafiə etdiyini bildirib.
Onun sözlərinə görə, hazırda Azərbaycanın dövlət maraqları Rusiyanın əksinə getmədən bir sıra məsələlərdə əməkdaşlıq və normal münasibətlər qurağı tələb edir:
“Nikol Paşinyan və onun komandası isə hesab edir ki, Rusiyadan mümkün qədər aralanıb və Qərbə yönəlsinlər. Hərə öz dövlət maraqlarını müdafiə edir. Paşinyan rusların Zəngəzur yoluna nəzarət etməsini və sülh danışıqlarında vasitəçi olmasını istəmir. Çünki təkcə biz yox, erməni siyasətçiləri və xalqı da anlayırlar ki, Qarabağ münaqişəsini ortaya salan, qızışdıran, müharibə həddinə çatdıran və sonra onu donduran Rusiyadır. Bunu da onun üçün edib ki, Azərbaycan və Ermənistanı nəzarətdə saxlasın. Biz bunu çoxdan başa düşmüşük. Amma ermənilər hələ indi başa düşür. Ermənistan bilir ki, bunu etməsə,ə əbədi olaraq Rusiyanın nəzarətində qalacaq. Amma artıq onlar da Rusiya kimi geridə qalmış, vəhşi bir dövlətin nəzarətində qalmaq istəmirlər. Onlar istəyirlər ki, Qərbə doğru getsinlər”.
Z.Əlizadə deyib ki, biz ağıllı dövlət siyasəti yürütdük, ona görə də Qarabağı azad etdik:
“Qarabağı qaytarandan sonra bizi Ermənistanın problemləri maraqlandırmır. Bundan sonra nə Azərbaycana, nə də Ermənistana müharibə lazım deyil. Sadəcə, Ermənistandakı köhnə tör-töküntülər şivən qopardrlar. Bunun isə heç bir mənası yoxdur”.