İran Parlamentinin Sənaye Komitəsinin sədr müavini Cavad Hüseynikia “MAQATE ilə razılaşmanın parlamentin bu qurumla əməkdaşlığın dayandırılması ilə bağlı qanununa zidd olduğunu” deyib və əlavə edib:

“Bununla bağlı əldə olunan razılaşmalar Xarici İşlər Nazirliyinin səlahiyyətlərindən kənara çıxır və qanuna əsasən, Milli Təhlükəsizlik Şurası tərəfindən təsdiq edilməlidir”.

Gündəm24.az xəbər verir ki, onun sözlərinə görə, parlamentin qəbul etdiyi qanuna əsasən, Atom Enerjisi üzrə Beynəlxalq Agentlik İranın nüvə obyektlərinin və alimlərinin təhlükəsizliyinə təminat verənə qədər nüvə mərkəzlərinə nəzarət etmək hüququna malik deyil.

Agentliyin nüvə obyektləri ilə bağlı məlumatı "Mossad"a ötürdüyünü bildiyini vurğulayan Hüseynikia əlavə edib:

"Qrossinin özü "Mossad" agentidir və biz onun mühakimə olunmasını tələb edirik. O, İrana gəldikdə hüquq-mühafizə orqanlarımız onu həbs edəcək".

Mövlam RZALI,
Gündəm24.az

Oxunub: 17