Britaniyanın ofşor bölgəsi Abramoviçi pul yuymaq və korrupsiyada ittiham etmək istəyir.

Gündəm24.az xəbər verir ki, Cersi adasının hakimiyyəti milyarder Roman Abramoviçin milyardlıq sərvətinin mənşəyi ilə bağlı cinayət işi açıb. Federal Cinayət Məhkəməsinin sənədlərinə görə, biznesmenə korrupsiya və pul yuymaq ittihamları irəli sürülür.

Şvajtsariya məhkəməsi Cersi Baş prokuroruna bir sıra bank hesabları üzrə materialların göndərilməsinə qərar verib. Məlumata görə, istintaq 1990–2000-ci illərdə özəl sektorun özəlləşdirilməsi zamanı əldə edilmiş kapitalın mənşəyini araşdırır.

Xüsusi diqqət 2005-ci ilə yönəlib: Abramoviç həmin il “Sibneft” şirkətini Rusiya dövlətinə 13 milyard dollar qarşılığında satıb. Məhkəmə sənədlərində qeyd olunur ki, 1990-cı illərdə o, neft-qaz qrupunun yaradılması zamanı rüşvət ödəyib.

Biznesmenin nümayəndəsi TASS-a açıqlamasında cinayət işlərinin mövcudluğunu təkzib edib və mediada yayılan məlumatları yalan adlandırıb.

Əli Səfərli,
gundemtv.az

Oxunub: 27